ADVERTISEMENT
ADVERTISEMENT
ભારતીય સ્વતંત્રતા દિવસને અમેરિકાના 4 જુલાઈ કરતાં 'વધુ સારો' ગણાવતી જાહેરાતથી વિવાદ
રાજકીય ટિપ્પણીકાર કેઇલી કેમ્પબેલ સહિત અનેક ભારતીય-અમેરિકનોએ જાહેરાતની ભાષાને અમેરિકા પ્રત્યે અનાદરપૂર્ણ ગણાવી.
-
17494975061757083828.png)
માલવિકા ચૌધરી - Wed, 29, Jul 2026
- 02:39 EDT
- 99
કાયલી કેમ્પબેલ / X/ @kaylee_ashlynn
ફ્રિસ્કો, ટેક્સાસમાં યોજાનારા ભારતીય સ્વતંત્રતા દિવસના કાર્યક્રમની એક જાહેરાત સોશિયલ મીડિયા પર વિવાદનું કારણ બની છે. જાહેરાતમાં કાર્યક્રમને "અમેરિકાના સ્વતંત્રતા દિવસ કરતાં ઘણો વધુ સારો" ગણાવવામાં આવ્યો હતો, જેના કારણે ભારે ટીકા થઈ રહી છે.
આ પોસ્ટ પ્રોસ્પર અને સેલિના વિસ્તારના રહેવાસીઓના ખાનગી ફેસબુક ગ્રુપમાં શેર કરવામાં આવી હતી. તેમાં લોકોને "ફ્રિસ્કોમાં ભારતનો સ્વતંત્રતા દિવસ ઉજવવા" આમંત્રણ આપવામાં આવ્યું હતું અને સાથે લખાયું હતું કે આ ઉજવણી "અમેરિકાના સ્વતંત્રતા દિવસ કરતાં ઘણી વધુ સારી" છે.
આ શબ્દપ્રયોગ સામે રાજકીય ટિપ્પણીકાર કેઇલી કેમ્પબેલે સોશિયલ મીડિયા પર વીડિયો શેર કરીને વાંધો વ્યક્ત કર્યો. તેમણે કહ્યું કે તેમને કાર્યક્રમ સામે કોઈ વાંધો નથી, પરંતુ જે રીતે તેની જાહેરાત કરવામાં આવી છે તે યોગ્ય નથી.
કેમ્પબેલે કહ્યું, "હું આ ફ્લાયર વિશે વાત કરવા માંગું છું. મને કાર્યક્રમથી કોઈ સમસ્યા નથી, પરંતુ જે રીતે તેની જાહેરાત કરવામાં આવી છે તે મને યોગ્ય લાગતું નથી."
તેમણે વધુમાં કહ્યું, "જો તમે અમેરિકા આવીને અહીં તમારા તહેવારો અને ઉજવણીઓ કરો અને પછી કહો કે તે તમે જે દેશમાં રહો છો તેના રાષ્ટ્રીય તહેવાર કરતાં વધુ સારી છે, તો પછી કદાચ તમને જ્યાંથી આવ્યા છો ત્યાં જ પરત જવું જોઈએ."
કેમ્પબેલે આ પ્રકારના સંદેશને "અમેરિકન સમાજમાં સમરસ થવાની ભાવનાના સંપૂર્ણ વિરુદ્ધ" ગણાવ્યો. તેમણે સ્પષ્ટ કર્યું કે તેમની ટિપ્પણી સમગ્ર ભારતીય સમુદાયને ધ્યાનમાં રાખીને નહોતી.
તેમણે કહ્યું, "જો આ પ્રકારની ટિપ્પણી ફ્લાયરમાં ન હોત તો કદાચ હું આ મુદ્દે બોલવાની જરૂર પણ ન માનત. કોઈ પણ વ્યક્તિ અમેરિકા આવીને એવું ન કહે કે તેના તહેવારો, તેની સંસ્કૃતિ, તેની જાતિ અથવા તેનો ધર્મ આ દેશ કરતાં શ્રેષ્ઠ છે."
An Indian Independence Day event in Frisco on August 15 is being advertised as better than American Independence Day. If that’s the case, why celebrate it in the United States? pic.twitter.com/adsFuIB2n3
— Kaylee Campbell (@kaylee_ashlynn) July 23, 2026
કેમ્પબેલે X પર પણ લખ્યું કે, "15 ઓગસ્ટે ફ્રિસ્કોમાં યોજાનારા ભારતીય સ્વતંત્રતા દિવસના કાર્યક્રમની જાહેરાતમાં તેને અમેરિકાના સ્વતંત્રતા દિવસ કરતાં વધુ સારો ગણાવવામાં આવ્યો છે. જો એવું હોય તો પછી તેની ઉજવણી અમેરિકામાં શા માટે કરવામાં આવે?"
આ પોસ્ટ બાદ સોશિયલ મીડિયા પર ભારે ચર્ચા શરૂ થઈ. કેટલાક લોકોએ જાહેરાતની ભાષાને અમેરિકા પ્રત્યે અનાદરપૂર્ણ ગણાવી, જ્યારે કેટલાકે પ્રશ્ન કર્યો કે અમેરિકાના સ્વતંત્રતા દિવસ સાથે સરખામણી કરવાની જરૂર જ શું હતી.
ઘણા ભારતીય-અમેરિકનોએ પણ ફ્લાયરની ભાષાની ટીકા કરી અને કહ્યું કે આ પ્રકારનો સંદેશ સમગ્ર ભારતીય સમુદાયનું પ્રતિનિધિત્વ કરતો નથી.
એક ભારતીય મૂળના યુઝરે લખ્યું, "હું ભારતીય છું અને સંપૂર્ણપણે સહમત છું કે અમેરિકા વિશે આ રીતે કહેવું ખોટું છે. અમેરિકાે મને કાયદેસર રીતે અહીં રહેવાની તક આપી છે અને હું દરેક અમેરિકન નાગરિકનો ખૂબ આદર કરું છું."
બીજા એક ભારતીય યુઝરે લખ્યું, "હું કેઇલીનું સંપૂર્ણ સમર્થન કરું છું. જે દેશે તમને સ્વીકાર્યા હોય તેની સંસ્કૃતિ અને મૂલ્યોનું અપમાન કરવું સ્વીકાર્ય નથી. ભારતીય તરીકે મને દુઃખ થાય છે કારણ કે આવી ઘટનાઓ સમગ્ર ભારતીય સમુદાય વિશે ખોટી માન્યતાઓને વધુ મજબૂત બનાવે છે."
કેટલાક અન્ય લોકોએ વધુ કડક પ્રતિક્રિયા આપતાં કહ્યું કે જો કોઈને પોતાના દેશની ઉજવણીઓ વધુ સારી લાગે તો તેણે પોતાના દેશમાં જ પરત જવું જોઈએ. જ્યારે કેટલાકે દલીલ કરી કે અમેરિકામાં માત્ર 4 જુલાઈનો સ્વતંત્રતા દિવસ જ ઉજવવો જોઈએ.
તાજેતરના મહિનાઓમાં આ વિસ્તારમાં શહેર પરિષદની બેઠકોમાં વસ્તીગત ફેરફારોને લઈને ગરમાગરમ ચર્ચાઓ થઈ છે. ઉપરાંત, ભારતીય સાંસ્કૃતિક કાર્યક્રમોના વીડિયો સોશિયલ મીડિયા પર વાયરલ થતાં ઇમિગ્રેશન, સાંસ્કૃતિક ઓળખ અને સમાજમાં સમરસ થવા જેવા મુદ્દાઓ પર ચર્ચા તેજ બની છે.
હાલ સુધી આ વિવાદાસ્પદ ફ્લાયર કોણે તૈયાર કર્યો હતો તે સ્પષ્ટ થયું નથી. તેમજ 15 ઓગસ્ટના કાર્યક્રમના આયોજકોએ આ વિવાદ અંગે કોઈ સત્તાવાર પ્રતિક્રિયા આપી છે કે નહીં તે પણ જાણવા મળ્યું નથી. પ્રકાશન સુધી કોઈ સત્તાવાર નિવેદન બહાર પાડવામાં આવ્યું નહોતું.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login