ADVERTISEMENT
ADVERTISEMENT
ફ્લોરિડામાં ભારતીય મૂળના યુવકની બેદરકાર ડ્રાઇવિંગ બદલ ધરપકડ
અરુલ નાયક સામે ઇરાદાપૂર્વક જોખમી રીતે વાહન ચલાવવા અને ફ્લોરિડાના "સુપર સ્પીડર" કાયદાના ભંગનો ગુનો નોંધાયો
-
સંવાદદાતા - Mon, 03, Aug 2026
- 03:03 EDT
- 54
પામ કોસ્ટના અરુલ નાયકની ફ્લેગલર કાઉન્ટી શેરિફ રિક સ્ટેલી દ્વારા ધરપકડ કરવામાં આવી હતી. / Flagler County Sheriff
અમેરિકાના ફ્લોરિડા રાજ્યમાં ભારતીય મૂળના 22 વર્ષીય અરુલ નાયકની બેદરકારીપૂર્વક અને અત્યંત જોખમી રીતે કાર ચલાવવા બદલ ધરપકડ કરવામાં આવી છે. અધિકારીઓના જણાવ્યા મુજબ, તે ટ્રાફિક વચ્ચે કલાકના 125 માઇલ સુધીની ઝડપે કાર હંકારી રહ્યો હતો.
પામ કોસ્ટના રહેવાસી અરુલ નાયકની ધરપકડ ફ્લેગલર કાઉન્ટીના શેરિફ રિક સ્ટેલી દ્વારા કરવામાં આવી હતી. શેરિફ પોતાની પત્ની સાથે અનમાર્ક્ડ સરકારી વાહનમાં ડિનર મિટિંગ માટે જઈ રહ્યા હતા ત્યારે તેમણે ઇન્ટરસ્ટેટ-95 પર દક્ષિણ દિશામાં પૂરઝડપે દોડી રહેલી 2016 મોડલની સફેદ ડોજ ચેલેન્જર કાર જોઈ હતી, એમ ફ્લેગલર કાઉન્ટી શેરિફ ઓફિસે જણાવ્યું.
શેરિફ સ્ટેલીએ પોતાના વાહનના પ્રમાણિત સ્પીડોમીટરની મદદથી લગભગ છ માઇલ સુધી કારનો પીછો કર્યો હતો. આ દરમિયાન કારની ઝડપ 115થી 125 માઇલ પ્રતિ કલાક વચ્ચે હતી અને ડ્રાઇવર સતત ત્રણેય લેનમાં જોખમી રીતે લેન બદલી રહ્યો હતો તેમજ ધીમી ગતિએ ચાલતા અન્ય વાહનોની અત્યંત નજીકથી પસાર થઈ રહ્યો હતો.
નિવેદન મુજબ, ત્યારબાદ શેરિફે પોતાના વાહનની લાઇટ અને સાઇરન શરૂ કર્યા હતા. ત્યારબાદ ડ્રાઇવરે ઇન્ટરસ્ટેટ-95 પર ઓલ્ડ ડિક્સી હાઇવેના દક્ષિણ ભાગે, વોલુશિયા કાઉન્ટીમાં કાર રોકી હતી.
અધિકારીઓએ જણાવ્યું કે અરુલ નાયકને કોઈપણ પ્રકારની ઘટના વિના કસ્ટડીમાં લેવામાં આવ્યો હતો.
A Sheriff is never off duty. On Friday evening, Sheriff Rick Staly was with his wife on his way to a dinner meeting when a super speeder flew-by his unmarked patrol car on I-95. Sheriff Staly conducted a traffic stop and arrested a Palm Coast man after his reckless driving… pic.twitter.com/Efqm5Tzcfk
— Flagler County Sheriff’s Office (@FlaglerSheriff) August 1, 2026
અરુલ નાયક સામે ઇરાદાપૂર્વક અને બેદરકારીપૂર્વક જોખમી ડ્રાઇવિંગ કરવા તેમજ ફ્લોરિડાના "સુપર સ્પીડર" કાયદાનો ભંગ કરવા બદલ ગુનો નોંધવામાં આવ્યો છે. તેને 500 અમેરિકન ડોલરના બોન્ડ પર વોલુશિયા કાઉન્ટી બ્રાન્ચ જેલમાં મોકલવામાં આવ્યો હતો.
અધિકારીઓના જણાવ્યા મુજબ, અરુલ નાયક સામે અગાઉ કોઈ ગુનાહિત રેકોર્ડ નથી. તેણે શેરિફ સ્ટેલીને જણાવ્યું હતું કે શનિવારે તેની પાઇલટ તરીકેની અંતિમ પરીક્ષા છે અને તે સમયસર જેલમાંથી મુક્ત થઈ પરીક્ષા આપી શકે તેવી આશા રાખે છે.
શેરિફ રિક સ્ટેલીએ જણાવ્યું હતું, "કલાકના 125 માઇલની ઝડપે કાર ચલાવી ત્રણેય લેનમાં જોખમી રીતે વાહન હંકાવવું કોઈ ભૂલ નથી, પરંતુ પોતાના સહિત કારમાં બેઠેલા અન્ય ત્રણ મુસાફરો અને રસ્તા પરના દરેક વ્યક્તિના જીવ સાથે જુગાર રમવાનો નિર્ણય છે."
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login