ADVERTISEMENT
ADVERTISEMENT
ટ્રમ્પનો દાવો: અમેરિકા 'ગોલ્ડન એજ'માં પ્રવેશ્યું
ટ્રમ્પે સસ્તા થતા તેલ, રેકોર્ડ રોકાણ અને વધતા રોજગારને અમેરિકન અર્થતંત્રની મજબૂતીના સંકેત ગણાવ્યા.
-
IANS(ગુજરાતી) - Thu, 02, Jul 2026
- 09:29 EDT
- 19
અમેરિકી રાષ્ટ્રપતિ ડોનાલ્ડ ટ્રમ્પ(ફાઈલ ફોટો) / REUTERS/Al Drago/File Photo
અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો કે અમેરિકા હવે "ગોલ્ડન એજ" એટલે કે સુવર્ણ યુગમાં પ્રવેશી ચૂક્યું છે. તેમણે કહ્યું કે કાચા તેલના ભાવમાં ઘટાડો, રેકોર્ડ સ્તરે થઈ રહેલું રોકાણ અને મજબૂત શ્રમબજાર એ દેશના અર્થતંત્રમાં તેજી આવવાના સ્પષ્ટ સંકેતો છે.
2 જુલાઈએ નોર્થ ડકોટાના મેડોરામાં થિયોડોર રૂઝવેલ્ટ પ્રેસિડેન્શિયલ લાઇબ્રેરીના સમર્પણ સમારોહમાં સંબોધન દરમિયાન ટ્રમ્પે જણાવ્યું કે ઊર્જાના ભાવમાં ઘટાડો અમેરિકન ગ્રાહકો અને વ્યવસાયો માટે લાભદાયી સાબિત થશે.
ટ્રમ્પે કહ્યું, "તેલના ભાવ સતત ઘટી રહ્યા છે. કોઈ ખુશ હોય કે દુઃખી, મને તેની ચિંતા નથી. હું માત્ર એટલું જ ઈચ્છું છું કે તેલના ભાવ નીચે આવે. અને તેલના ભાવ એવી ઝડપથી ઘટી રહ્યા છે જેની કોઈએ કલ્પના પણ કરી નહોતી."
તેમણે વધુમાં કહ્યું કે હોર્મુઝની ખાડીમાંથી જહાજોની અવરજવર ફરી રેકોર્ડ સ્તરે પહોંચી છે.
ટ્રમ્પે કહ્યું, "હોર્મુઝની ખાડીમાંથી મોટી સંખ્યામાં જહાજો પસાર થઈ રહ્યા છે. આ સંખ્યા અગાઉ ક્યારેય જોવા મળી નહોતી. અમે નવા રેકોર્ડ બનાવી રહ્યા છીએ."
વિદેશી રોકાણ અંગે ટ્રમ્પે કહ્યું કે અમેરિકા અત્યાર સુધીના ઇતિહાસમાં સૌથી વધુ રોકાણ આકર્ષી રહ્યું છે.
તેમણે જણાવ્યું, "વિશ્વના અન્ય દેશો અને રોકાણકારો અમેરિકા માં અગાઉ કરતાં અનેકગણું વધુ રોકાણ કરી રહ્યા છે."
ટ્રમ્પે શેરબજાર અને રોજગારના આંકડાઓનો પણ ઉલ્લેખ કર્યો.
તેમણે કહ્યું, "શેરબજાર દરરોજ નવી ઊંચાઈ સર કરી રહ્યું છે."
તેમણે વધુમાં ઉમેર્યું, "આજે અમેરિકામાં દેશના ઇતિહાસમાં સૌથી વધુ લોકો રોજગારમાં છે."
મોંઘવારી અંગે ટ્રમ્પે કહ્યું કે તેમની સરકારે અગાઉની સરકાર પાસેથી ઊંચી મોંઘવારીનો પડકાર વારસામાં મેળવ્યો હતો, પરંતુ હવે ભાવમાં ઘટાડો થઈ રહ્યો છે.
તેમણે કહ્યું, "અમને બાઇડન સરકાર પાસેથી ભારે મોંઘવારીની સમસ્યા વારસામાં મળી હતી. હવે તમામ ભાવ નીચે આવી રહ્યા છે."
અર્થતંત્ર અંગે પોતાના મૂલ્યાંકનનો સાર આપતાં ટ્રમ્પે કહ્યું, "આ તો અમેરિકાના ગોલ્ડન એજની માત્ર શરૂઆત છે."
તેમણે ઉમેર્યું, "મને પૂરો વિશ્વાસ છે કે અમેરિકાનું શ્રેષ્ઠ ભવિષ્ય હજુ આવવાનું બાકી છે."
ટ્રમ્પનું આ ભાષણ મુખ્યત્વે થિયોડોર રૂઝવેલ્ટના વારસા પર કેન્દ્રિત હતું, પરંતુ તેમણે વારંવાર પોતાની સરકારના આર્થિક એજન્ડાનો ઉલ્લેખ કરતાં કહ્યું કે સસ્તી ઊર્જા, વધતું રોકાણ અને રોજગારીમાં વધારો અમેરિકામાં ફરી વધતા વિશ્વાસનું પ્રતિબિંબ છે.
અમેરિકા વિશ્વનું સૌથી મોટું અર્થતંત્ર છે અને ભારતના સૌથી મોટા વેપારી ભાગીદારોમાંનું એક છે. અમેરિકાના આર્થિક વિકાસ, નાણાકીય બજારો અને ઊર્જાના ભાવમાં થતા ફેરફારો પર ભારતમાં પણ નજીકથી નજર રાખવામાં આવે છે, કારણ કે તેની અસર રોકાણ, વૈશ્વિક માંગ અને આયાતી કાચા તેલના ખર્ચ પર પડે છે, જે ભારતની મોંઘવારીને પણ પ્રભાવિત કરે છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login