ADVERTISEMENT
ADVERTISEMENT
ટ્રમ્પનો દાવો: અમેરિકા-ઈરાન વચ્ચે વાતચીત ચાલુ, કહ્યું 'આ છેલ્લી તક'
ટ્રમ્પે અગાઉ સોશિયલ મીડિયા પર ઈરાનના નેતૃત્વને "અત્યંત દંભી" ગણાવી આકરા પ્રહારો કર્યા હતા.
-
IANS(ગુજરાતી) - Tue, 04, Aug 2026
- 03:26 EDT
- 44
પ્રતીકાત્મક તસ્વીર / AI Generated
અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું કે અમેરિકા અને ઈરાન વચ્ચે હાલમાં વાતચીત ચાલી રહી છે અને આ "ઈરાન માટે છેલ્લી તક" છે.
વ્હાઇટ હાઉસના ઓવલ ઓફિસમાં સૈનિકોના જીવનસાથીઓને લગતા એક્ઝિક્યુટિવ ઓર્ડર પર હસ્તાક્ષર કર્યા બાદ પત્રકારો સાથે વાત કરતાં ટ્રમ્પે કહ્યું, "અમે વાતચીત કરી રહ્યા છીએ અને આ ચર્ચા ઈરાનની વિનંતી પર થઈ રહી છે. તેને સાઉદી અરેબિયા, યુએઈ અને ખાસ કરીને કતારનું સમર્થન છે. અન્ય કેટલાક દેશો પણ તેમાં સામેલ છે."
ટ્રમ્પે વધુમાં કહ્યું, "સારી સમજૂતી પર હસ્તાક્ષર કરવા માટે આ તેમની છેલ્લી તક છે."
તેમણે ઉમેર્યું, "મને લાગે છે કે કદાચ કોઈ સમજૂતી થઈ શકે. પરંતુ કોઈ કડક કાર્યવાહી પહેલાં હું તેમને દરેક શક્ય અંતિમ તક આપવા માગું છું."
વાતચીતમાં કેટલી પ્રગતિ થઈ છે તે અંગે પૂછવામાં આવતા ટ્રમ્પે કહ્યું, "આજે અથવા આવતીકાલે તમને ખબર પડી જશે. હવે પરિસ્થિતિ ઝડપથી એક અથવા બીજા નિર્ણય તરફ આગળ વધશે."
ટ્રમ્પે જણાવ્યું કે બંને પક્ષો હાલમાં હોર્મુઝની ખાડી (Strait of Hormuz)ને ફરીથી ખોલવાના મુદ્દે ચર્ચા કરી રહ્યા છે. "અમારો પ્રથમ તબક્કો એ છે કે હોર્મુઝની ખાડી શક્ય હોય તો આવતીકાલ સુધી સંપૂર્ણપણે ખુલ્લી થઈ જાય."
તેમણે કહ્યું, "બીજા તબક્કામાં અમે ઈરાનની પરમાણુ ક્ષમતા અંગે ચર્ચા કરીશું. ઈરાનનું પરમાણુ નિઃશસ્ત્રીકરણ (Denuclearization) થવું જરૂરી છે, જોકે તેમાં થોડો સમય લાગશે."
આ પહેલાં ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર ઈરાનના નેતૃત્વ પર આકરા પ્રહારો કર્યા હતા. તેમણે ઈરાનના નેતાઓને "અત્યંત દંભી" ગણાવતા લખ્યું હતું કે તેઓ બેઠકની માંગ કરી રહ્યા છે, કેટલાક લોકોના કહેવા મુજબ "વિનંતી" પણ કરી રહ્યા છે. ચર્ચાઓ શરૂ થઈ ગઈ છે અને આગળ પણ વધુ બેઠકઓ યોજાવાની છે, છતાં તેઓ જાહેરમાં દાવો કરી રહ્યા છે કે અમેરિકા સાથે કોઈ વાતચીત ચાલી રહી નથી અને તેઓ માત્ર ઓમાન સાથે જ સંપર્કમાં છે.
બીજી તરફ, ઈરાનના વિદેશ મંત્રાલયના પ્રવક્તા એસ્માઇલ બાઘાઈએ સોમવારે તેહરાનમાં જણાવ્યું હતું કે હાલમાં ઈરાન અને અમેરિકા વચ્ચે કોઈ વાટાઘાટો ચાલી રહી નથી. તેમણે કહ્યું કે હોર્મુઝની ખાડી સંબંધિત મુદ્દે ઓમાન સાથે ચર્ચા થઈ રહી છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login