ADVERTISEMENT
ADVERTISEMENT
અમેરિકાના ઉપરાષ્ટ્રપતિ વેન્સે PM મોદીને ફોન કર્યો, વ્યૂહાત્મક ભાગીદારી પર ચર્ચા
PM મોદી અને અમેરિકાના ઉપરાષ્ટ્રપતિ JD વેન્સે વેપાર, સંરક્ષણ, ટેક્નોલોજી, ઊર્જા અને મહત્વપૂર્ણ ખનિજ ક્ષેત્રોમાં ભારત-અમેરિકા સંબંધોને વધુ મજબૂત બનાવવા અંગે ચર્ચા કરી.
-
IANS(ગુજરાતી) - Mon, 10, Aug 2026
- 02:20 EDT
- 55
અમેરિકાના ઉપરાષ્ટ્રપતિ જેડી વાન્સ, પત્ની ઉષા વાન્સ અને તેમના બાળકોની નવી દિલ્હી ખાતે પ્રધાનમંત્રી નરેન્દ્ર મોદી સાથે મુલાકાત(ફાઈલ ફોટો) / IANS
વડાપ્રધાન નરેન્દ્ર મોદીને 8 ઓગસ્ટે અમેરિકાના ઉપરાષ્ટ્રપતિ JD વેન્સે ફોન કર્યો હતો. બંને નેતાઓએ ભારત-અમેરિકા કોમ્પ્રિહેન્સિવ ગ્લોબલ સ્ટ્રેટેજિક પાર્ટનરશિપને વિવિધ મહત્વપૂર્ણ ક્ષેત્રોમાં વધુ મજબૂત બનાવવાના ઉપાયો અંગે ચર્ચા કરી હતી.
PM મોદીએ JD વેન્સ અને તેમની પત્ની ઉષા વેન્સને તેમના પુત્રના જન્મ બદલ અભિનંદન પાઠવ્યા હતા અને સમગ્ર પરિવારને શુભેચ્છાઓ આપી હતી.
PM મોદીએ સોશિયલ મીડિયા પ્લેટફોર્મ X પર જણાવ્યું હતું કે, "અમેરિકાના ઉપરાષ્ટ્રપતિ JD વેન્સનો ફોન આવ્યો. અમે વિવિધ મહત્વપૂર્ણ ક્ષેત્રોમાં ભારત-અમેરિકા કોમ્પ્રિહેન્સિવ ગ્લોબલ સ્ટ્રેટેજિક પાર્ટનરશિપને વધુ ગાઢ બનાવવાના ઉપાયો અંગે ચર્ચા કરી. તેમના અને સેકન્ડ લેડીને તેમના પુત્રના જન્મ બદલ હાર્દિક અભિનંદન પાઠવ્યા અને સમગ્ર પરિવારને શુભેચ્છાઓ પાઠવી."
વડાપ્રધાન કાર્યાલય (PMO)ના નિવેદન અનુસાર, PM મોદી અને JD વેન્સે બંને દેશો વચ્ચે ઉચ્ચ સ્તરીય બેઠકો અને સંપર્કોમાં સતત જળવાઈ રહેલી ગતિની નોંધ લીધી હતી. બંને નેતાઓએ વેપાર, સંરક્ષણ, મહત્વપૂર્ણ અને ઉભરતી ટેક્નોલોજી, ઊર્જા સુરક્ષા તથા મહત્વપૂર્ણ ખનિજ ક્ષેત્રોમાં સહયોગને વધુ મજબૂત કરવાની પ્રતિબદ્ધતા વ્યક્ત કરી હતી.
PMOએ જણાવ્યું કે, બંને નેતાઓએ પરસ્પર હિત સાથે જોડાયેલા પ્રાદેશિક અને વૈશ્વિક મુદ્દાઓ પર પણ વિચારોનું આદાન-પ્રદાન કર્યું હતું.
આ વર્ષે જુલાઈમાં અમેરિકાના વિદેશ મંત્રી માર્કો રુબિયો અને ભારતના વિદેશ મંત્રી એસ. જયશંકરે બંને દેશો વચ્ચેના મહત્વપૂર્ણ સંરક્ષણ કરારો અંગેનું કામ ઝડપી બનાવવાની અને વોશિંગ્ટન દ્વારા "લગભગ પૂર્ણ" ગણાવવામાં આવેલા વચગાળાના દ્વિપક્ષીય વેપાર કરારને અંતિમ સ્વરૂપ આપવાની દિશામાં કામ કરવા સંમતિ વ્યક્ત કરી હતી. આ ઘટનાએ બંને દેશો વચ્ચેની વ્યૂહાત્મક ભાગીદારીમાં નવી ગતિનો સંકેત આપ્યો હતો.
માર્કો રુબિયો અને એસ. જયશંકરની મુલાકાત મનીલામાં ASEAN દેશોના વિદેશ મંત્રીઓની બેઠકની સાથે યોજાઈ હતી. અમેરિકાના વિદેશ વિભાગના નિવેદન અનુસાર, બંને નેતાઓએ મધ્ય પૂર્વ અને ઈન્ડો-પેસિફિક ક્ષેત્રના તાજેતરના વિકાસની પણ સમીક્ષા કરી હતી.
અમેરિકાના વિદેશ વિભાગના પ્રવક્તા ટોમી પિગોટે સત્તાવાર નિવેદનમાં જણાવ્યું હતું કે, "સેક્રેટરી રુબિયોએ આજે મનીલામાં ભારતના વિદેશ મંત્રી એસ. જયશંકર સાથે મુલાકાત કરી. બંનેએ મધ્ય પૂર્વ અને ઈન્ડો-પેસિફિક ક્ષેત્રના તાજેતરના વિકાસ અંગે ચર્ચા કરી."
બંને દેશોએ સંરક્ષણ સહયોગમાં થયેલી પ્રગતિની પણ સમીક્ષા કરી હતી. અમેરિકાના વિદેશ વિભાગના નિવેદન અનુસાર, રાષ્ટ્રપતિ ડોનાલ્ડ ટ્રમ્પ અને વડાપ્રધાન નરેન્દ્ર મોદી વચ્ચે ગયા વર્ષે થયેલી સમજૂતીઓ અનુસાર મહત્વપૂર્ણ સંરક્ષણ કરારોને અંતિમ સ્વરૂપ આપવા અંગે પણ રુબિયો અને જયશંકરે ચર્ચા કરી હતી.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login