ADVERTISEMENT
ADVERTISEMENT
ગરમી વચ્ચે વીજળી બચાવની અપીલ પર વિવેક રમાસ્વામીનો મમદાની પર પ્રહાર
વીજળીની વધતી માંગ વચ્ચે બચત કરવી કે ઉત્પાદન વધારવું આ મુદ્દે બંને નેતાઓ આમને-સામને આવ્યા.
-
17494975061757083828.png)
માલવિકા ચૌધરી - Fri, 03, Jul 2026
- 02:19 EDT
- 41
વિવેક રામાસ્વામી/ જોહરાન મામદાની / File Photo
અમેરિકાના ઓહાયોના ગવર્નર પદના રિપબ્લિકન ઉમેદવાર વિવેક રમાસ્વામીએ ન્યૂયોર્કના મેયર ઝોહરાન મમદાની દ્વારા ગરમીની લહેર દરમિયાન લોકોને વીજળી બચાવવા કરાયેલી અપીલની ટીકા કરી છે. તેમણે કહ્યું કે આવી સ્થિતિનો ઉકેલ વીજળી બચાવવામાં નહીં, પરંતુ વધુ ઊર્જા ઉત્પાદન કરવામાં છે.
શહેરમાં ભારે ગરમીને કારણે વીજળીની માંગ વધી જતાં મમદાનીે ન્યૂયોર્કવાસીઓને વીજળીનો ઉપયોગ મર્યાદિત રાખવાની અપીલ કરી હતી.
X પર કરેલી પોસ્ટમાં મમદાનીે લોકોને એર કન્ડિશનરનું તાપમાન 78 ડિગ્રી પર રાખવા, ઉપયોગમાં ન હોય તેવી લાઇટો અને ઇલેક્ટ્રોનિક ઉપકરણો બંધ રાખવા તેમજ પ્લગમાં જોડાયેલા પરંતુ ઉપયોગમાં ન હોય એવા ઉપકરણોના પ્લગ કાઢી દેવાની અપીલ કરી હતી.
તેમણે જણાવ્યું હતું કે શહેરની સરકારી ઇમારતોમાં પણ એર કન્ડિશનર 78 ડિગ્રી પર રાખવામાં આવી રહ્યા છે, બિનજરૂરી લાઇટો ધીમી કરવામાં આવી રહી છે અને જરૂરી ન હોય તેવા ઉપકરણો બંધ રાખવામાં આવી રહ્યા છે, જેથી વીજ પુરવઠા પરનો ભાર ઓછો થઈ શકે.
This is what socialism looks like, folks. The right answer isn’t restrictions or mandates. It’s drilling, fracking, coal, & nuclear. That’s how we’ll roll in Ohio.
— Vivek Ramaswamy (@VivekGRamaswamy) July 2, 2026
(And he sounds eerily just like Amy Acton during Covid). https://t.co/pJyw0Y3V8e
મમદાનીે લખ્યું હતું કે, "વીજળીનું સ્થિર ગ્રીડ એટલે એર કન્ડિશનર ચાલુ રહી શકે અને લોકોના જીવ બચી શકે. ચાલો, મળીને વીજળીની માંગ ઘટાડીએ અને આ ગરમીમાંથી સુરક્ષિત રીતે બહાર આવીએ."
તેના જવાબમાં વિવેક રમાસ્વામીએ આ અપીલને "સમાજવાદનું ઉદાહરણ" ગણાવ્યું.
તેમણે લખ્યું, "મિત્રો, સમાજવાદ આવો દેખાય છે. સાચો ઉકેલ પ્રતિબંધો કે નિયંત્રણો નથી. સાચો રસ્તો છે વધુ ડ્રિલિંગ, ફ્રેકિંગ, કોલસો અને પરમાણુ ઊર્જા. ઓહાયોમાં અમે આ જ માર્ગ અપનાવીશું."
રમાસ્વામીએ ઓહાયોના ગવર્નર માટેના પોતાના ચૂંટણી પ્રચારમાં સ્થાનિક સ્તરે ઊર્જા ઉત્પાદન વધારવાનું મુખ્ય વચન આપ્યું છે. તેમાં તેલ અને ગેસનું વધુ ખનન, હાઇડ્રોલિક ફ્રેકિંગ, કોલસા અને પરમાણુ ઊર્જાના ઉપયોગને પ્રોત્સાહન આપવાનો સમાવેશ થાય છે.
બીજી તરફ, ડેમોક્રેટ અને ડેમોક્રેટિક સોશિયાલિસ્ટ એવા ઝોહરાન મમદાની ઊર્જા બચત અને હવામાન પરિવર્તન સામેના પગલાંને પ્રોત્સાહન આપતી નીતિઓના સમર્થક છે. તેઓ કાર્બન ઉત્સર્જન ઘટાડવા અને સ્વચ્છ ઊર્જાના વધુ ઉપયોગની તરફેણ કરે છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login