ADVERTISEMENT
ADVERTISEMENT
ਘੋੜਾ-ਗੱਡੀ ਹਾਦਸੇ ਵਿੱਚ ਮਾਰੇ ਗਏ ਭਾਰਤੀ ਨੌਜਵਾਨ ਦੇ ਪਰਿਵਾਰ ਵੱਲੋਂ 105 ਮਿਲੀਅਨ ਡਾਲਰ ਮੁਆਵਜ਼ੇ ਦੀ ਮੰਗ
ਭਾਰਤੀ ਨੌਜਵਾਨ ਰੋਮਾਂਚ ਮਹਾਜਨ ਦੇ ਪਰਿਵਾਰ ਨੇ ਨਿਊਯਾਰਕ ਸਿਟੀ ਸਰਕਾਰ ’ਤੇ ਲਾਪਰਵਾਹੀ ਅਤੇ ਬਿਜਲੀ ਕਾਰਨ ਘਾਤਕ ਹਾਦਸਾ ਵਾਪਰਨ ਦਾ ਦੋਸ਼ ਲਗਾਇਆ
-
ਆਈਏਐਨਐਸ - Sun, 16, Aug 2026
- 01:05 EDT
- 42
ਰੋਮਾਂਚ ਮਹਾਜਨ ਦਾ ਪਰਿਵਾਰ / NYC City Council
ਭਾਰਤੀ ਨੌਜਵਾਨ ਰੋਮਾਂਚ ਮਹਾਜਨ ਦੇ ਪਰਿਵਾਰ ਨੇ ਨਿਊਯਾਰਕ ਸਿਟੀ ਸਰਕਾਰ ਤੋਂ 105 ਮਿਲੀਅਨ ਡਾਲਰ ਮੁਆਵਜ਼ੇ ਦੀ ਮੰਗ ਕਰਦਿਆਂ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਰੋਮਾਂਚ ਦੀ ਮੌਤ ਪਿਛਲੇ ਸਾਲ ਜੂਨ ਵਿੱਚ ਉਸ ਸਮੇਂ ਹੋਈ ਸੀ, ਜਦੋਂ ਪਰਿਵਾਰ ਵੱਲੋਂ ਸਵਾਰੀ ਵਾਸਤੇ ਲਈ ਗਈ ਘੋੜਾ-ਗੱਡੀ ਨੂੰ ਖਿੱਚ ਰਿਹਾ ਘੋੜਾ ਅਚਾਨਕ ਬੇਕਾਬੂ ਹੋ ਕੇ ਦੌੜ ਪਿਆ ਸੀ।
ਪਰਿਵਾਰ ਨੇ ਪਿਛਲੇ ਹਫ਼ਤੇ ਸ਼ਹਿਰ ਨੂੰ ਦਿੱਤੇ ਨੋਟਿਸ ਵਿੱਚ ਦੋਸ਼ ਲਗਾਇਆ ਕਿ ਸੈਂਟਰਲ ਪਾਰਕ ਵਿੱਚ ਬਿਜਲੀ ਕਾਰਨ ਘੋੜਾ ਡਰ ਗਿਆ ਸੀ ਅਤੇ ਇਹ ਸ਼ਹਿਰ ਦੀ ਸਰਕਾਰ ਦੀ ਲਾਪਰਵਾਹੀ ਦਾ ਨਤੀਜਾ ਸੀ। ਮਹਾਜਨ ਪਰਿਵਾਰ ਆਪਣੇ ਪੁੱਤਰ ਦੀ ਹਾਈ ਸਕੂਲ ਗ੍ਰੈਜੂਏਸ਼ਨ ਦਾ ਜਸ਼ਨ ਮਨਾਉਣ ਲਈ ਛੁੱਟੀਆਂ ’ਤੇ ਨਿਊਯਾਰਕ ਆਇਆ ਸੀ ਅਤੇ 17 ਜੂਨ ਨੂੰ ਘੋੜਾ-ਗੱਡੀ ਦੀ ਸਵਾਰੀ ਕਰਨ ਗਿਆ ਸੀ।
ਜਦੋਂ ਘੋੜਾ-ਗੱਡੀ ਦਾ ਡਰਾਈਵਰ ਤਸਵੀਰ ਖਿੱਚਣ ਲਈ ਗੱਡੀ ਤੋਂ ਬਾਹਰ ਨਿਕਲਿਆ ਤਾਂ ਘੋੜਾ ਅਚਾਨਕ ਬੇਕਾਬੂ ਹੋ ਕੇ ਦੌੜ ਪਿਆ। ਇਸ ਦੌਰਾਨ ਰੋਮਾਂਚ ਦੀ ਮਾਂ ਪ੍ਰਿਆ ਗੱਡੀ ਤੋਂ ਡਿੱਗ ਗਈ। ਰੋਮਾਂਚ ਨੇ ਆਪਣੀ ਮਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਉਸ ਦੇ ਪਿੱਛੇ ਛਾਲ ਮਾਰੀ, ਪਰ ਉਸ ਦਾ ਸਿਰ ਜ਼ਮੀਨ ਨਾਲ ਜਾ ਟਕਰਾਇਆ ਅਤੇ ਸੱਟ ਕਾਰਨ ਉਸ ਦੀ ਮੌਤ ਹੋ ਗਈ। ਪਰਿਵਾਰ ਨੇ ਸ਼ਹਿਰ ਅਤੇ ਇਸ ਦੇ ਚਾਰ ਵਿਭਾਗਾਂ ਵਿਰੁੱਧ ਨੋਟਿਸ ਦਾਇਰ ਕੀਤੇ ਹਨ, ਜੋ ਅਦਾਲਤ ਵਿੱਚ ਮੁਕੱਦਮਾ ਕਰਨ ਵੱਲ ਪਹਿਲਾ ਕਦਮ ਹੈ। ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਉਨ੍ਹਾਂ ਦੀ ਲਾਪਰਵਾਹੀ ਕਾਰਨ ਇਹ ਹਾਦਸਾ ਵਾਪਰਿਆ।
ਪਰਿਵਾਰ ਨੇ ਦੋਸ਼ ਲਗਾਇਆ ਕਿ ਬਿਜਲੀ ਦੀ ਵੋਲਟੇਜ ਸਮੇਤ ਹੋਰ ਕਾਰਕਾਂ ਨੇ ਘੋੜੇ ਦੇ ਬੇਕਾਬੂ ਹੋ ਕੇ ਦੌੜਨ ਦਾ ਕਾਰਨ ਬਣਾਇਆ, ਇਸ ਨੂੰ ਉਤਸ਼ਾਹਿਤ ਕੀਤਾ, ਇਸ ਵਿੱਚ ਯੋਗਦਾਨ ਪਾਇਆ ਅਤੇ/ਜਾਂ ਇਹ ਇਸ ਹਾਦਸੇ ਦਾ ਇੱਕ ਮਹੱਤਵਪੂਰਨ ਕਾਰਕ ਸੀ। ਬਿਜਲੀ ਦੀ ਵੋਲਟੇਜ ਨਾਲ ਸਬੰਧਤ ਇਹ ਦੋਸ਼ ਟਰਾਂਸਪੋਰਟ ਵਰਕਰਜ਼ ਯੂਨੀਅਨ ਵੱਲੋਂ ਕੀਤੇ ਗਏ ਇੱਕ ਦਾਅਵੇ ਨਾਲ ਵੀ ਮੇਲ ਖਾਂਦਾ ਹੈ, ਜਿਸ ਨਾਲ ਘੋੜਾ-ਗੱਡੀ ਦਾ ਡਰਾਈਵਰ ਅਰਤਾਨ ਗੋਕਦੇਪੇ ਸਬੰਧਤ ਸੀ।
ਡਰਾਈਵਰ ਦੇ ਬਚਾਅ ਵਿੱਚ ਯੂਨੀਅਨ ਦੀ ਸਥਾਨਕ ਇਕਾਈ ਦੇ ਉਪ ਪ੍ਰਧਾਨ ਐਲੈਕਜ਼ੈਂਡਰ ਕੇਮਪ ਨੇ ਪਿਛਲੇ ਮਹੀਨੇ ਕਿਹਾ ਸੀ, “ਨੀਲੇ-ਕਾਲਰ ਘੋੜਾ-ਗੱਡੀ ਦੇ ਚਾਲਕਾਂ ਨੂੰ ਸ਼ਹਿਰ ਦੇ ਬਿਜਲੀ ਗਰਿੱਡ ਦੀਆਂ ਖਾਮੀਆਂ ਕਾਰਨ ਪੈਦਾ ਹੋਏ ਅਣਕਿਆਸੇ ਖ਼ਤਰੇ ਲਈ ਸਜ਼ਾ ਨਹੀਂ ਦਿੱਤੀ ਜਾਣੀ ਚਾਹੀਦੀ।”
18 ਸਾਲਾ ਰੋਮਾਂਚ ਮਹਾਜਨ ਪਠਾਨਕੋਟ ਦਾ ਰਹਿਣ ਵਾਲਾ ਸੀ। ਉਸ ਨੇ ਹਾਲ ਹੀ ਵਿੱਚ ਐਂਜਲਜ਼ ਪਬਲਿਕ ਸਕੂਲ ਤੋਂ 12ਵੀਂ ਜਮਾਤ ਪੂਰੀ ਕੀਤੀ ਸੀ ਅਤੇ ਕਾਲਜ ਜਾਣ ਲਈ ਤਿਆਰ ਸੀ, ਜਦੋਂ ਇਹ ਦੁਖਦਾਈ ਹਾਦਸਾ ਵਾਪਰ ਗਿਆ।
ਉਸ ਦੀ ਮੌਤ ਨੇ ਨਿਊਯਾਰਕ ਵਿੱਚ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਰਹੀਆਂ ਘੋੜਾ-ਗੱਡੀਆਂ ’ਤੇ ਪਾਬੰਦੀ ਲਗਾਉਣ ਦੀ ਮੁਹਿੰਮ ਨੂੰ ਹੋਰ ਬਲ ਦਿੱਤਾ। ਉਸ ਦੀ ਯਾਦ ਵਿੱਚ ਪ੍ਰਸਤਾਵਿਤ ਕਾਨੂੰਨ ਦਾ ਨਾਮ ‘ਰੋਮਾਂਚ ਮਹਾਜਨ ਬਿੱਲ’ ਰੱਖਿਆ ਗਿਆ ਹੈ। ਸਿਟੀ ਕੌਂਸਲ ਵੱਲੋਂ ਜਲਦ ਹੀ ਇਸ ਪਾਬੰਦੀ ’ਤੇ ਵੋਟਿੰਗ ਕੀਤੇ ਜਾਣ ਦੀ ਉਮੀਦ ਹੈ ਅਤੇ ਸਮਰਥਕਾਂ ਦਾ ਕਹਿਣਾ ਹੈ ਕਿ ਪ੍ਰਸਤਾਵਿਤ ਕਾਨੂੰਨ ਨੂੰ ਪਾਸ ਕਰਵਾਉਣ ਲਈ ਬਹੁਮਤ ਸਮਰਥਨ ਹਾਸਲ ਹੈ।
ਰੋਮਾਂਚ ਦੇ ਪਿਤਾ ਦੀਪਕ ਮਹਾਜਨ ਨੇ ਪਿਛਲੇ ਮਹੀਨੇ ਵੀਡੀਓ ਲਿੰਕ ਰਾਹੀਂ ਸਿਟੀ ਕੌਂਸਲ ਅੱਗੇ ਭਾਵੁਕ ਅਪੀਲ ਕਰਦਿਆਂ ਘੋੜਾ-ਗੱਡੀਆਂ ’ਤੇ ਪਾਬੰਦੀ ਲਗਾਉਣ ਦੀ ਮੰਗ ਕੀਤੀ ਸੀ।
ਉਨ੍ਹਾਂ ਕਿਹਾ, “ਇੱਕ ਨੌਜਵਾਨ ਲੜਕਾ ਸੁਪਨਿਆਂ ਨਾਲ ਭਰਿਆ ਅਮਰੀਕਾ ਆਇਆ ਸੀ ਅਤੇ ਬਹੁਤ ਜਲਦੀ ਸਾਨੂੰ ਛੱਡ ਗਿਆ।” ਉਨ੍ਹਾਂ ਕਿਹਾ, “ਇਹ ਕੋਈ ਅਣਕਿਆਸਿਆ ਹਾਦਸਾ ਨਹੀਂ ਸੀ। ਇਹ ਸੁਰੱਖਿਆ ਦੀ ਉਲੰਘਣਾ ਅਤੇ ਸਾਡੇ ਸ਼ਹਿਰ ਵਿੱਚ ਆਉਣ ਵਾਲੇ ਲੋਕਾਂ ਦੀ ਰੱਖਿਆ ਕਰਨ ਵਿੱਚ ਪ੍ਰਣਾਲੀ ਦੀ ਨਾਕਾਮੀ ਸੀ ਅਤੇ ਹਰ ਜ਼ਿੰਮੇਵਾਰ ਵਿਅਕਤੀ ਨੇ ਮੰਨਿਆ ਹੈ ਕਿ ਡਰਾਈਵਰ ਨੂੰ ਕਦੇ ਵੀ ਉਸ ਘੋੜਾ-ਗੱਡੀ ਨੂੰ ਛੱਡ ਕੇ ਨਹੀਂ ਜਾਣਾ ਚਾਹੀਦਾ ਸੀ।”
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login