ADVERTISEMENT
ADVERTISEMENT
ਵਿਵੇਕ ਰਾਮਾਸਵਾਮੀ ਨੇ ਜਿੱਤੀ ਓਹੀਓ ਪ੍ਰਾਇਮਰੀ
ਰਾਮਾਸਵਾਮੀ ਨੇ 80 ਫੀਸਦੀ ਤੋਂ ਵੱਧ ਵੋਟਾਂ ਹਾਸਲ ਕਰਦਿਆਂ ਗਵਰਨਰ ਦੀ ਦੌੜ ਲਈ ਰਿਪਬਲਿਕਨ ਨਾਮਜ਼ਦਗੀ ਮਜ਼ਬੂਤੀ ਨਾਲ ਆਪਣੇ ਨਾਮ ਕੀਤੀ।
-
1759953093.png)
ਸਟਾਫ ਪੱਤਰਕਾਰ - Wed, 06, May 2026
- 00:19 EDT
- 27
Endorsement poster for Vivek Ramaswamy by Ohio Republican Party / Ohio Republican Party via X
ਡੋਨਾਲਡ ਟਰੰਪ ਦੇ “ਪੂਰਨ ਸਮਰਥਨ” ਨਾਲ ਭਾਰਤੀ-ਅਮਰੀਕੀ ਓਹੀਓ ਗਵਰਨਰ ਉਮੀਦਵਾਰ ਵਿਵੇਕ ਰਾਮਾਸਵਾਮੀ ਨੇ 5 ਮਈ ਨੂੰ ਓਹੀਓ ਰਿਪਬਲਿਕਨ ਪ੍ਰਾਇਮਰੀ ਚੋਣ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕੀਤੀ।
ਰਾਮਾਸਵਾਮੀ ਨੇ ਆਪਣੇ ਰਿਪਬਲਿਕਨ ਮੁਕਾਬਲੇਦਾਰ ਕੇਸੀ ਪੁਸ਼ ਨੂੰ ਹਰਾਇਆ, ਜੋ ਓਹੀਓ ਆਧਾਰਿਤ ਕਾਰੋਬਾਰੀ ਸੀ। ਰਾਮਾਸਵਾਮੀ ਨੇ 80 ਫੀਸਦੀ ਤੋਂ ਵੱਧ ਵੋਟਾਂ ਹਾਸਲ ਕਰਦਿਆਂ ਗਵਰਨਰ ਦੀ ਦੌੜ ਲਈ ਰਿਪਬਲਿਕਨ ਨਾਮਜ਼ਦਗੀ ਮਜ਼ਬੂਤੀ ਨਾਲ ਆਪਣੇ ਨਾਮ ਕੀਤੀ।
ਓਹੀਓ ਰਿਪਬਲਿਕਨ ਪਾਰਟੀ ਨੇ ਨਤੀਜਿਆਂ ਦੀ ਪੁਸ਼ਟੀ ਹੋਣ ਨਾਲ ਹੀ ਆਪਣਾ ਸਮਰਥਨ ਜਤਾਉਂਦਿਆਂ ਐਕਸ ‘ਤੇ ਲਿਖਿਆ, “ਅਸੀਂ ਤੁਹਾਨੂੰ ਨਵੰਬਰ ਵਿੱਚ ਮਿਲਾਂਗੇ।”
ਜਿੱਤ ਦੇ ਭਾਸ਼ਣ ਦੌਰਾਨ, ਰਾਮਾਸਵਾਮੀ ਨੇ ਓਹੀਓ ਦੇ ਵੋਟਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ, “ਸਾਨੂੰ ਇਸ ਮੰਜ਼ਿਲ ਤੱਕ ਪਹੁੰਚਾਉਣ ਲਈ ਤੁਹਾਡਾ ਧੰਨਵਾਦ। ਅਸਲ ਮਕਸਦ ਨਵੰਬਰ ਵਿੱਚ ਹੈ।”
ਇਸ ਜਿੱਤ ਲਈ ਸਭ ਤੋਂ ਮਹੱਤਵਪੂਰਨ ਸਮਰਥਨ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਮਿਲਿਆ, ਜਿਨ੍ਹਾਂ ਨੇ ਟਰੂਥ ਸੋਸ਼ਲ ‘ਤੇ ਰਾਮਾਸਵਾਮੀ ਦੀ ਜਿੱਤ ਦੀ ਖ਼ਬਰ ਸਾਂਝੀ ਕਰਦਿਆਂ ਆਪਣੀ ਹਮਾਇਤ ਮੁੜ ਦੋਹਰਾਈ।
ਚੋਣ ਨਤੀਜਿਆਂ ਤੋਂ ਕੁਝ ਘੰਟੇ ਪਹਿਲਾਂ ਹੀ ਟਰੰਪ ਨੇ ਰਾਮਾਸਵਾਮੀ ਦੇ ਹੱਕ ‘ਚ ਲਿਖਿਆ ਸੀ, “ਉਹ ਤੁਹਾਨੂੰ ਕਦੇ ਨਿਰਾਸ਼ ਨਹੀਂ ਕਰੇਗਾ!”
ਰਾਮਾਸਵਾਮੀ ਨੂੰ “ਖ਼ਾਸ ਸ਼ਖਸੀਅਤ” ਕਰਾਰ ਦਿੰਦਿਆਂ ਟਰੰਪ ਨੇ ਕਿਹਾ, “ਵਿਵੇਕ ਇੱਕ ਬਹੁਤ ਹੀ ਵਧੀਆ ਵਿਅਕਤੀ ਹੈ ਜੋ ਆਪਣੇ ਦੇਸ਼ ਨਾਲ ਸੱਚਾ ਪਿਆਰ ਕਰਦਾ ਹੈ।”
ਉਨ੍ਹਾਂ ਨੇ ਅੱਗੇ ਕਿਹਾ, “ਤੁਹਾਡੇ ਅਗਲੇ ਗਵਰਨਰ ਵਜੋਂ ਵਿਵੇਕ ਆਰਥਿਕਤਾ ਨੂੰ ਮਜ਼ਬੂਤ ਕਰੇਗਾ, ਟੈਕਸਾਂ ਅਤੇ ਨਿਯਮਾਂ ਵਿੱਚ ਕਟੌਤੀ ਲਿਆਏਗਾ, ਦੇਸ਼ ਵਿੱਚ ਬਣੇ ਉਤਪਾਦਾਂ ਨੂੰ ਉਤਸ਼ਾਹਿਤ ਕਰੇਗਾ, ਅਮਰੀਕੀ ਊਰਜਾ ਖੇਤਰ ਨੂੰ ਅੱਗੇ ਵਧਾਏਗਾ, ਸਰਹੱਦਾਂ ਦੀ ਸੁਰੱਖਿਆ ਯਕੀਨੀ ਬਣਾਏਗਾ, ਪ੍ਰਵਾਸੀ ਅਪਰਾਧ ‘ਤੇ ਨਕੇਲ ਕਸੇਗਾ, ਫੌਜ ਅਤੇ ਸੈਨਿਕਾਂ ਨੂੰ ਮਜ਼ਬੂਤ ਕਰੇਗਾ, ਕਾਨੂੰਨ ਕਾਇਮ ਰੱਖੇਗਾ ਅਤੇ ਦੂਜੇ ਸੰਸ਼ੋਧਨ ਦੀ ਰੱਖਿਆ ਕਰੇਗਾ।”
ਰਾਸ਼ਟਰਪਤੀ ਦੀ ਇਸ ਪੋਸਟ ਦਾ ਜਵਾਬ ਦਿੰਦਿਆਂ ਰਾਮਾਸਵਾਮੀ ਨੇ ਐਕਸ ‘ਤੇ ਲਿਖਿਆ, “ਧੰਨਵਾਦ, ਮਾਣਯੋਗ ਰਾਸ਼ਟਰਪਤੀ ਜੀ! ਹੁਣ ਸਮਾਂ ਹੈ ਓਹੀਓ ਨੂੰ ਪਹਿਲਾਂ ਨਾਲੋਂ ਵੀ ਵਧੀਆ ਬਣਾਉਣ ਦਾ।”
ਹੁਣ ਰਾਮਾਸਵਾਮੀ ਆਉਣ ਵਾਲੀਆਂ 3 ਨਵੰਬਰ ਦੀਆਂ ਚੋਣਾਂ ਵਿੱਚ ਡੈਮੋਕ੍ਰੈਟਿਕ ਉਮੀਦਵਾਰ ਐਮੀ ਐਕਟਨ ਨਾਲ ਮੁਕਾਬਲਾ ਕਰਨਗੇ।
ਇੰਟਰਐਕਟਿਵਪੋਲਸ ਵੱਲੋਂ ਹਾਲ ਹੀ ਵਿੱਚ ਕਰਵਾਏ ਗਏ ਸਰਵੇਖਣ ਅਨੁਸਾਰ ਇਹ ਮੁਕਾਬਲਾ ਕਾਫ਼ੀ ਕਠਿਨ ਹੋ ਸਕਦਾ ਹੈ। ਸਰਵੇਖਣ ਵਿੱਚ ਰਾਮਾਸਵਾਮੀ ਨੂੰ 48 ਫੀਸਦੀ ਅਤੇ ਐਕਟਨ ਨੂੰ 47 ਫੀਸਦੀ ਸਮਰਥਨ ਮਿਲਣ ਦੀ ਸੰਭਾਵਨਾ ਦਰਸਾਈ ਗਈ ਹੈ। ਇਸ ਦੇ ਨਾਲ ਹੀ, ਸਰਵੇਖਣ ਨੇ ਪ੍ਰਾਇਮਰੀ ਚੋਣ ਵਿੱਚ ਰਾਮਾਸਵਾਮੀ ਦੀ ਸੁਚਾਰੂ ਜਿੱਤ ਦੀ ਭਵਿੱਖਬਾਣੀ ਵੀ ਕੀਤੀ ਸੀ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login